Regulamento

GlobalDXT Pontevedra organiza esta I Edición de Correndo no Camiño - Pontevedra Caldas. Todo participante, ao realizar a inscrición, acepta as normas redactadas no presente regulamento.

Percorrido

Realízase de forma íntegra polo Camiño de Santiago, sinalizado con marcas especiais para o evento, dende a Ponte do Burgo (Pontevedra) ata Caldas de Reis.

Requisitos de Participación

A idade mínima para participar son 16 anos cumpridos antes do día da proba. Os participantes de entre 16 e 18 anos deberán achegar autorización escrita dos seus titores legais.

Dorsal e Chip

• Dorsal visible en todo momento (obrigatorio, na parte dianteira)
• O dorsal e o chip son persoais e intransferibles
• Todo participante que non leve o dorsal colocado de forma visible será expulsado da proba

Categorías

Absoluto, Promesas (16-23 anos), Senior (24-34), Máster A (35-44), Máster B (45-54) e Máster C (dende 55 anos), tanto masculino como feminino. Ademais, categorías de cadeira de rodas individual, cadeira con acompañante, handbike e outras categorías con diversidade funcional.

Premios

Todos os participantes que crucen a liña de meta recibirán unha medalla de FINISHER. Ademais, entregaranse trofeos ao primeiro, segundo e terceiro clasificado de cada categoría.

Seguro de Accidentes

A proba conta cun seguro de accidentes para os participantes inscritos. Este seguro cobre só accidentes, non calquera tipo de incidente. A participación é baixo a responsabilidade e o propio risco do participante, que declara na inscrición atoparse fisicamente apto para a proba.

Avituallamentos

Avituallamento líquido no km 5, avituallamento sólido-líquido nos km 10 e 15, e avituallamento sólido-líquido para todos os participantes en meta.

Control de Tempo

O control realízase de forma electrónica mediante chip. Descualificarase automaticamente aos participantes que non rexistren o paso por todos os puntos de control: saída, meta e demais controis situados ao longo do percorrido.

Servizos Médicos e Seguridade

A organización dispón dun cadro de médicos, ambulancias e unidades móbiles, puntos de socorro fixos, un posto médico en meta e vehículos vasoira. A Xefatura Provincial de Tráfico, a Garda Civil, a Policía Municipal, Protección Civil e voluntariado velarán pola seguridade da proba.

Medio Ambiente

A proba discorre por paraxes de gran valor natural. Está prohibido botar refugallos fóra das zonas habilitadas; o seu incumprimento supón a descualificación.

Descualificacións e Penalización

A organización poderá descualificar a calquera participante que:

• Non respecte o código de circulación
• Non respecte as consignas de seguridade das forzas da orde e da organización
• Non pase polo control de saída ou por outros controis do percorrido
• Ensucie ou degrade o itinerario botando refugallos
• Teña comportamentos que impidan o normal desenvolvemento da proba
• Non leve o dorsal colocado de forma visible

Documento Completo

Pode descargar o regulamento completo en formato PDF, incluíndo as cláusulas do seguro de devolución, dende esta ligazón.